تعرفي إيه عن حفلات البرانش؟
يعني إيه حفلة برانش؟
البرانش باللغة الإنجليزية BRUNCH هي تجميع بين كلمتين الفطور BREAKFAST والغذاء LUNCH . البرانش هي عزومة لضيوفك بتبتدي حوالي الساعة ١٠ أو ١١ صباحاً وممكن تمتد لغاية ٤ أو ٥ مساءاً. أو ممكن تبتدي ٩ صباحاً وتنتهي ٢ فاختيار المواعيد حاجة بتاعتك. خلينا بس نقول إن البرانش مش حفلة فطار ولا عزومة غذاء. هي حفلة بتجمع بين أكلات الفطار والغذاء. ترابيزة البرانش دايماً عليها مشروبات سواء ساقعة أو سخنة. مع أطباق من منيو الفطار وأطباق ثانية خفيفة من منيو الغذاء. حفلة البرانش هي حفلة الهدف الأول منها التواصل والاحتفال والتجمع في وجود ترابيزة مليانة بالأكل الخفيف المميز والحلويات والمشروبات والفواكه. ممكن حفلة البرانش تبقى علشان عيد ميلاد أو ممكن يكون تجمع لعدد كبير من الناس وبسبب طبيعة الأطباق إللي بتتقدم هيبقى سهل استضافة عدد من الأصدقاء والمعارف بسلاسة.
إيه هو أهم سبب إللي بيخلي ناس كثير تعمل حفلات برانش؟
ناس كثير بيحبوا يعملوا حفلة البرانش لإن في العادة معظم أطباق الحفلات دي بتكون أطباق باردة مش أطباق سخنة، وده معناه إن الأطباق دي سهلة، وكمان ممكن تتعمل وتتحضر قبل الحفلة بيوم. حفلة البرانش مش هتحتاج من صاحب الحفلة إنه يكون موجود في المطبخ طول الوقت. بالعكس هيكون عنده الوقت إنه يختلط بضيوفه. . كورس فن العزومات واستقبال الضيوف مع نيفين مسعود على موقع فنون هتلاقي فيه ٦ وصفات باردة مختلفة وحلويات سهلة. كمان نيفين بتقولك أساسيات عمل الدعوة، تحضير البيت، تحضير الوصفات إللي ممكن تتعمل قبل العزومة و كمان عمل سنتربيس لترابيزة أو بوفيه العزومة بتاعتك.
أساسيات عمل حفل البرانش
١- في البداية الدعوى على العزومة، وأياً كان طريقة الدعوى مهم إن الدعوى تحصل قبل الحفلة بفترة كافية علشان ضيوفك يرتبوا أمورهم، كمان ممكن إنك تطلبي منهم تأكيد حضورهم علشان تكوني محضرة الأكل للعدد الصح من غير إهدار ولا نقص. وتقدري تعرفي أكثر عن دعوة ضيوفك في كورس فن العزومات واتيكيت عمل العزومات مع نيفين مسعود على موقع فنون.
٢- زي ما قلنا البرانش هو فطار متأخر وغذاء مبكر. فلو البرانش ده في الويك إند مش لازم تبتدي بدري من ٩، الناس بتحب تنام شوية زيادة في الويك إند. ممكن البرانش يبتدي ١١ مثلاً.
٣- البرانش بيكون على هيئة بوفيه عليه كل الأصناف إللي هتقدميها وممكن تعملي البوفية على هيئة ترابيزات متفرقة على كل ترابيزة شيئ مختلف. المشروبات الباردة في جنب والمشروبات السخنة في جنب آخر. مخبوزات مختلفة من الباتيه والكرواسون والدانيش والكيك مع الخبز بأنواع متعددة . ثم مساحة للفواكة الطازجة المقطعة والحلويات و أخيراً البوفيه الأساسي للأطباق الأساسية التي قد تشمل أنواع من البيض، السلطات المتعددة، اللحم البارد، أنواع من وصفات البطاطس، فطيرة الكيش وغيرها من الأطعمة إللي بتتقدم باردة. الموضوع محتاج شوية إبداع وممكن هنا اعتماد وصفات متعددة متوافقة مع الميزانية. وممكن تتعرفي على ست وصفات باردة سهلة في كورس العزومات من هنا. وجربي دائماً الأطباق إللي هتقدميها في عزومتك قبلها، بلاش تجربي في عزومتك لأول مرة.
٤- حطي في الاعتبار احتياجات ضيوفك، بمعنى ممكن تحتاجي في البوفيه أطباق نباتية، أو صيامي، أو كيتو أو أصناف من غير بعض المكونات علشان الحساسية أو أطباق خاصة للأطفال إذا كانت حفلتك فيها أطفال.
٥- ابعدي عن الأصناف إللي لازم تتقدم سخنة وقوامها أو طعمها بيفسد لما تبرد. اعملي أطباق باردة بطعم شهي أفضل، علشان تستمر معاكي طول الحفلة من غير ما طعمها أو قوامها يتغير.
٦- تحضيرعدد كافي من الأطباق والأكواب و أدوات الطعام والمناديل الورقية أو الفوط. وقد تستخدمين أكواب ورقية أو بلاستكية إذا كانت طبيعة الحفل كاجوال جداً لا يستدعي التقديم في أدوات من الصيني أو الفضة.
٧- متنسيش عصير الفواكه الطبيعية والفواكه الفريش على ترابيزة البرانش، لأنها بتدي حيوية ولون ولأنها دايماً منعشة وخفيفة لضيوفك.
٨- لو بتعملي البرانش في الهواء الطلق في جنينةأو بلكونة، مهم تستخدمي شموع طاردة للحشرات وساعات ممكن تحتاجي مراوح أو تجهيزات خاصة أو أغطية علشان نبعد الحشرات عن الأكل.
٩- متنسيش الموسيقى المناسبة في الخلفية.
١٠- استمتعي بوقتك انت كمان. مش معنى إنك صاحبة الحفل إنك تبقي متوترة أو مشغولة بدرجة متسمحش إنك تنبسطي.
وفي النهاية ناس كثير بتفضل حفلات البرانش خصوصاً في الويك إند لانها بتبتدي متأخر وتخلص بدري، فتسمح لضيوفك بالنوم متأخر في الويك إند وكمان يمشوا بدري فيبقى عندهم الوقت إنهم يعملوا حاجات كثير في ليلتهم أو يبقى عندهم الوقت في حالة إنهم عاوزين يسترخوا في البيت بعد الحفل.
