هل رسم الأطفال موهبة ولا خبرة مكتسبة؟ وإزاي ننمي قدرة الطفل على الرسم؟
لكن السؤال هنا هو إيه إللي بيخلي الطفل يتوقف عن الرسم؟
نعتقد أن ده بيحصل لسببين:
- من ناحية تانية مع نمو الطفل ووصوله لسن 8 أو 9 سنين بنلاقي إن هنا الطفل بيبتدي يدرك إن رسوماته ممكن تكون مش حلوة زي زمايله. وهيبتدي يقارن نفسه بالأطفال الآخرين، إللي رسوماتهم هو ممكن يشوفها أحسن من رسوماته وممكن يكون سبب ده إن عندهم موهبة فطرية أو عندهم أسرة مشجعة بتدعمهم وتشجعهم. وللأسف في الحالة دي الطفل بيتوقف عن الرسم بسبب الخجل من رسوماته إللي هو بيعتقد أنها أقل من رسومات الأطفال الآخرين وكمان لإن مفيش حد بيشجعه وينمي موهبته .
١- في البداية نوفر لهم أكيد الأوراق والأقلام الملونة والألوان الخشب والشمع ومكان مريح يقدرالطفل يرسم فيه.
بالإضافة للبس مناسب مفيش مشكله إنه يتبهدل. ويكون الطفل يقدر يوصل لأدوات الرسم دي في أي وقت.
٢- نشجع الطفل على الرسم من غير توجيه لازم يرسم إيه، كمان نقدر نقول لهم إننا زيهم بنحب الرسم.
٣- منحاولش نقيد خيال الطفل أبداً، نسيب له مساحة واسعة للخيال ميكونش فيها أي تقييد لخياله في الأشكال والألوان.
٤- نظهر اهتمامنا برسوماتهم ونسألهم عنها وعن القصة إللي وراها.
٥- نبتدي نلفت انتباه الطفل للتفاصيل من حوالينا، مثلاً لو كنا في حديقة نلفت نظرهم للورود أشكالهاألوانها نفس الحكاية مع
الشجر والنباتات. وهكذا في أي مناسبة وأي مكان من غير لفت نظرهم إن ده لازم يرسموه. كل التفاصيل دي بتتخزن
عندهم وهيرسموها بشكل طبيعي بعد كدة.
٦- بلاش نقارن رسم طفل بطفل آخر. أو نقول إن الرسمة فيها حاجة غلط. لكن نقدر نلفت انتباههم للتفاصيل في الشيء
إللي اترسم غلط . يعني مثلاً لو الطفل رسم إيد بأصابع كثيرة أكثر من خمس أصابع منقولش أبداً إن ده غلط لكن نعد
معاه صوابعه ده معنى إننا نلفت انتباهه للتفاصيل من غير ما ننتقده.
٧- مفيش مشكلة أبداً في الأخطاء، علشان التدريب هيحسن ويصلح حاجات كثيرة.
٨- مفيش مشكلة إن الطفل يقلد رسومات في كتاب، شوية شوية هيستعمل خياله.
٩- نستخدم دائماً مع الطفل كلمات وعبارات تشجيع إيجابية فيها فخر بكل حاجة بيعملها ونعلق اعماله في مكان مخصوص له.
١٠- نبتدي بعدها نوري أطفالنا نماذج لرسم كل حاجة بطريقة سهلة، فنرسمهلهم أو نخليهم يتفرجوا على فيديو مبسط لو
مكانش عندنا المقدرة على الرسم، أو نديهم كورس تعليم الرسم بشكل مبسط بس مهم يكون الكورس ده مش بيقيد قدراتهم ولا خيالهم إنما بينميها.
كورس بيقدر يلفت نظرهم للتفاصيل. زي كورس الرسم للأطفال والمراهقين الموجود على موقع فنون هو بيعلمهم
بنفس الطريقة وبيسيب لهم فرصة للإبداع و بيلفت نظرهم للتفاصيل.
١١- خلي الطفل يعبر بالرسم دائماً عن إللي جواه. يعني لو زعلان خليه يرسم زعله، لو غضبان يرسم غضبه.
وأخيراً استثمارك في تنمية موهبة طفلك وتنمية خبراته في الرسم هتساعده كثير في حياته، فممكن الرسم يبقى هوايته أو يتطور لإنه يكون شغله أو جزء من شغله . الفن دائماً هيساعد طفلك نفسياً في التعبير عن نفسه وأفكاره ومشاعره وهيقدر يخرج إللي جواه. في النهاية الرسم ممكن يكون موهبة فطرية وكمان ممكن يكون بالتعلم والخبرات المكتسبة، فالرسم لغة تواصل راقية للتعبير عن المشاعر والذات بدون كلمات.