التخفيف من الضغوط النفسية بالكروشيه
المهتمين بالموضة عارفين كويس إن قطع الكروشيه دايماً بتظهر في مجموعات وعروض بيوت الأزياء الشهيرة. الكروشيه بيختفي وبعدين يرجع يظهر في ساحة الموضة كل سنة والثانية. ومن أشهر بيوت الأزياء إللي بنشوف في مجموعاتها قطع من الكروشية كينزو، شانيل، ديور، غوتشي، وتقريباً ممكن نلاقي قطعة من الكروشيه في كل مجموعات دولشي أند جابانا. ده معناه إن احتفاظنا بأي قطعة من الكروشيه سواء كانت القطعة دي من الملابس أو الإكسسوارات في الدولاب بلون زاهي أو محايد هو عمل حكيم. الموضوع هنا بس هيعتمد على قدرتك على تنسيق قطع الكروشيه مع هدومك التنسيق المناسب.
لكن احنا في المقال ده هنتكلم عن الكروشيه كوسيلة لتخفيف الضغوط النفسية فمع ارتفاع معدلات اضطرابات الصحة النفسية زي ما بتقول منظمة الصحة العالمية بسبب طبيعة الحياة إللي احنا عايشينها بنشوف ارتفاع في معدلات الاكتئاب واضطرابات الأكل والقلق واضطرابات النوم. وابتدت تظهر دراسات كثير بتربط بين ممارسة هوايات معينة وإللي بيكون لها تأثير في التخلص من الضغوط النفسية. وابتدى يبقى في دراسات بتتكلم عن الكروشيه بالذات كوسيلة للتخلص من الضغوط النفسية المختلفة.
٧ أسباب تخليكي تشتغلي كروشيه
١. تعزيز الثقة بالنفس:
تنفيذ تصميمات أو مشروعات الكروشيه (بمعنى الانتهاء من قطعة كروشيه كاملة في فترة زمنية محددة) هتدعم ثقتك بنفسك واحترام ذاتك. وكمان له تأثير إيجابي على نفسك لآنك اتعلمتي مهارة جديدة أو زودتي من خبرتك فيها . كمان تنفيذ قطعة بشكل كامل بيديكي الإحساس بأنك منتجة وقادرة على الإبداع، وبيديكي الإحساس إنك تقدري تعبري عن نفسك من خلال اختيارك للألوان المحببة ليكي. الكروشيه هيدعم بالتأكيد ثقتك في نفسك وبإنك قادرة عالإنجاز. وتنفيذ تصميمات معينة أو قطع معينة بطريقة سهلة هو ده إللي بيقدمه كورس الكروشيه على منصة فنون. فالمدربة كارولين عماد بتقدم لك خبرتها في عمل قطعتين بطريقة سهلة، هيضيفوا لدولابك وكمان هيدعموا ثقتك بنفسك وشعورك بالإنجاز. وتقدري كمان تعملي هدايا يدوية مميزة لأصدقائك. فيه بعض الدراسات كمان اتكلمت عن إن الثقة بالنفس والشعور بالإنجاز ممكن تبقى مساعد وحافز ليكي للخروج من العلاقات السيئة المضرة، إللي بيسعى فيها الطرف الأخر إنه يثبت لك إنك بلا قيمة وده من أسوء الضغوط النفسية.
٢. الكروشيه والقلق واضطرابات الأكل:
الكروشيه زي أي عمل يدوي هيساعدك في تخفيف الشعور بالقلق لإن إيديكي مشغولين بشغل الكروشيه وتركيز ذهنك في إللي بتعمليه بيخلي عقلك هادئ ونفسك صافيه ومشغولة بشيء منتج. وانشغالك ده ممكن يساعد في مواجهة المشكلات والضغوط النفسية المرتبطة باضطرابات الأكل وانشغالك هيقلل رغبتك في الأكل.
٣. إزاي الكروشيه بيساعد في فترات الحزن والألم؟
في أوقات الحزن الشديد، مع وجودك في السرير والشعور بإن العالم مالوش لازمة وإنك معندكيش أي طاقة. الكروشيه ممكن يكون هو مخرجك الوحيد. فممكن تشتغلي من السرير وبتكاليف قليلة وبدون مجهود بدني أو حركة كبيرة. الكروشيه بألوانه ودفء خيوطه والحركة المتكررة غرزة ورا غرزة هتتخلصي من طاقتك السلبية والضغوط النفسية وهيبعد عقلك عن الحزن ومع الوقت هتشعري إنك أحسن. من ناحية تانية انشغالك مع القطعة إللي بتنفذيها هيقلل الشعور بالألم سواء كان ألم عضوي أو نفسي.
٤. الأرق ...الأرق:
الكروشيه ممكن يساعدك في التغلب على الأرق. الأرق شعور فظيع ومتعب بسبب صعوبة النوم. لكن الدراسات بتقول إن الكروشيه ممكن يهديكي ويخلصك من الضغوط النفسية بما يكفي للنوم. كمان ٩٠٪ من مرضى الأرق في الدراسة دي قالوا إن النوم اتحسن مع قدرة ٩٠٪ من المشاركين في الدراسة على التخلص من الأدوية في برنامج خاص بالتخلص من الأرق متضمن الشغل اليدوي زي الكروشيه
والخياطة.
ممارسة الأشغال اليدوية زي الكروشيه ممكن جداً يقلل ويخفض من مشكلات الذاكرة مع التقدم في العمر. بنسبة وصلت ل ٥٠ ٪ في بعض الدراسات. لأننا على طول مشغولين بعدد الغرز! شغل الكروشيه بيساعد الدماغ على إنها تحافظ على المسارات العصبية بما يحافظ على العقل والذاكرة حية.
٦. الكروشيه ممكن يكون عامل مساعد في إنه يخرجك من الاكتئاب :
الكروشيه ممكن يكون عامل مساعد في علاج الاكتئاب، بسبب الإحساس إللي بيسببه شغل الكروشيه بالسعادة، بدءاً من اختيار الخيوط ثم الإحساس بالإنجاز اليومي في القطعة إللي بنشتغل فيها. ده كله بيزود إفراز الميلاتونين المعروف بهرمون السعادة. ففي واحدة من الدراسات وصلت النسبة ل ٨١ ٪ من المشاركين إللي وصلوا للإحساس بالسعادة لمجرد شغل الكروشيه.
٧. الكروشيه والضغوط النفسية:
الكروشيه قادر إنه يخلصك من الضغوط النفسية إللي بسببها ممكن تحصلك أمراض كثير زي أمراض القلب والذاكرة. فالكروشيه بيمنحك الوقت للتأمل والاسترخاء والتخلص من الضغوط اليومية. الاسترخاء بيقلل من مستوى هرمون الكورتيزول، إللي هو هرمون سيئ ممكن نقول عليه هرمون الإجهاد، وارتفاع مستوى الهرمون ده مضر لصحة للقلب والدورة الدموية.
مشاهير كثير بيشتغلوا كروشيه وهو طريقتهم لتحقيق الراحة النفسية زي الغطاس البريطاني الأوليمبي توم ديلاي إللي شوفناه في أوليمبياد طوكيو٢٠٢٠ قاعد دايماً بيشتغل بالخيط وإبرة الكروشية على أي كرسي. وممثلين ومغنيين كثير زي كاتي بيري، أماندا سيفريد، جين سيمور، هيلاري داف، ريان رينولدز و سياسيين زي كامالا هاريس وزيرة الخارجية الأمريكية. وفي النهاية أنت كمان تقدري تتخلصي من الضغوط النفسية بالكروشيه، الموضوع كله محتاج خيط وإبرة كروشيه مع التجربة إللي ممكن تخوضيها من خلال كورس الكروشية مع موقع فنون لإنه بيساعدك في إنجاز قطعتين بكل سهوله وفي وقت قصير، من غير ما تدخلي في تفاصل كثير ويخليكي تطلعي قطع كروشيه زي المحترفين.
