أنواع خامات الرسم: ألوان اكريليك
أكثر حاجة بتميز الرسم في العموم، إنك تقدر تستخدم خامات مختلفة في كل مرة. وكل خامة هتساعدك تطلع شكل أو طابع مختلف لرسمتك. وده بيشجعك إنك تبدع أكثر، لحد ما تستقر على الخامة إللي أنت شايفها مناسبة ليك. ولما نيجي نتكلم عن أنواع خامات الرسم، أول حاجة بتيجي في بالنا هو الرسم بألوان اكريليك. وإللي أكيد سمعت عنه كثير، خصوصًا إنه من الأنواع المنتشرة بشكل كبير، ومفضلة عند ناس كثير.
ما هي الألوان الاكريليك؟
الرسم الاكريليك، هو تقنية زي تقنيات كثيرة موجودة في الرسم، وإللي منها الرسم بالفحم، الرسم بالباستيل والرسم بالقلم الرصاص وغيرها. وكل تقنية منهم، بتعتمد على خامة معينة. الرسم أو التلوين بالألوان الأكريليك بيشبه الرسم بألوان الماء إلى حد ما بس يجف وبيقاوم الماء بعدها. لازم تخلط الألوان الاكريليك على لوح الرسم بدلاً من على القماش وأنت بترسم لأنها بتجف بسرعة وده عكس ألوان الزيت. وممكن ترسم كذا طبقة من الألوان الاكريليك فوق بعض والطبقة الأولى من هتكون مرئية. من السهل تنظيف الإيد بعد إستخدام الألوان الاكريليك، وده عن طريق غسل الإيد بالمياه والصابون. معروف عن الألوان الاكريليك انها نابضة بالحياة، وبتتميز بسعرها المناسب.
أنواع خامات الرسم: الوان الاكريليك
الوان اكريليك بدأ الترويج ليها بشكل كبير مع بداية الستينات، وهي تعتبر من الألوان الصناعية التي تجف سريعًا. وبتيجي في العادة في أنابيب أو زجاجات ، ويمكن استخدامها مباشرة أو تخفيفها بالماء أو بمذيب معدني مخصص. وتعتبر ألوان اكريليك مفضلة لكثير من الأشخاص، لأنها غير مضرة صحيًا مثل العديد من الألوان الأخرى، بالإضافة إلى أنها أقل تأثرًا بدرجة الحرارة مقارنة بالأنواع الثانية من الألوان.
مميزات الألوان الأكريليك
زي ما قولنا إن ألوان اكريليك تعتبر مفضلة للكثير من الأشخاص، وده نظرًا لأنها بتمتلك مميزات كثيرة، ومن أهمها…
١-
مقاومة للزيت وغير قابلة للاشتعال.
٢-
رغم إنه في البداية يمكن إذابتها بالماء، لكن مستحيل تتأثر بيها بعد أن تجف.
٣-
ألوان اكريليك مش بتحتاج لفرشاة معينة، ببساطة نفس الفرشاة إللي بتستخدمها مع ألوان الزيت، ينفع تستخدمها مع ألوان الأكريليك.
٤-
ألوان اكريليك ينفع استخدامها على القماش والخشب والحوائط والطوب وغيرها.
٥-
الألوان الأكريليك زاهية وواضحة وليها لمعة جميلة.
٦-
ألوان اكريليك بديل مثالي لألوان الزيت والألوان المائية.
عيوب ألوان اكريليك
وزي ما احنا عارفين إن كل خامات الرسم ليها مميزات وكمان ليها عيوب، وإللي لازم نعرفها كويس حتى لو مش كثيرة.
١-
ألوان اكريليك معروف إنها بتجف بسرعة، وعلشان كدة دائمًا بينصح إنك متسبش زجاجة أو أنبوبة الأكريليك مفتوحة حتى لو لوقت قصير.
٢-
كمان من الحاجات الشهيرة عن الأكريليك إنه بيجذب الغبار. علشان كدة لازم تضيف طبقة من الورنيش بعد ما بترسم بالأكريليك علشان تحافظ على لمعتها وتمنع أنها تتأثر بالغبار.
رسومات بالألوان الأكريليك
بتستخدم الألوان الأكريليك على أي سطح سواء كان خشب، زجاج، ورق، قماش وغيره. وفي الصور دي هتلاقي نماذج مختلفة من رسومات بالأكريليك على أسطح متنوعة وإللي ممكن تكون ملهمة ليك بشكل كبير.
إشترك في كورس الرسم للمبتدئين
الرسم بألوان أكريليك مش صعب أبدًا زي ما ناس كثير بتكون متخيلة. الموضوع كله إن فيه بعض الخطوات والقواعد إللي لازم تطبقها وتمشي عليها وأنت بترسم بألوان الأكريليك، وبعدها وبالتعود مرة بعد الثانية هتلاقي نفسك بترسم بألوان الأكريليك بكل سهولة. وعلشان تعرف أكثر عن طريقة الرسم بألوان الأكريليك إنضم لكورس تعلم الرسم أون لاين مع الفنانة التشكيلية هالة الشاروني وفي خلال الكورس هتعرف كمبتدء في عالم الفن ازاي تستخدم خامات مختلفة كثير زي الألوان الأكريليك، الأويل باستيل، الفحم والماركر وطبعاً الرصاص.