كيف أتعلم رسم أزياء للمبتدئين؟
تعلم رسم أزياء والمعروف أيضا بـ Fashion Sketching من المهارات الأساسية إللي بتساعد الشخص المهتم أو الهاوي لتصميم أزياء على تحويل أفكاره إلى تصاميم على الورق، وده بيكون من خلال رسم جسم ثم قطعة الملابس والتلوين قبل تنفيذه من خلال قص القماش والخياطة والتطريز. وكمبتدأ علشان تتعلم رسم أزياء، بتكون محتاج تمر برحلة طويلة لكنها ممتعة من الدراسة وإللي بتبدأ بتعلم طريقة رسم جسم الإنسان أو المانيكان وأبعادها، ثم تعلم رسم الأزياء بمختلف أشكالها مثل رسم البنطلونات، البلوزات، التنورات والفساتين، وطريقة رسم الياقات والأساور، وطريقة رسم طيات القماش والدرابيه والكرانيش وغيرها من أفكار التصاميم المختلفة. وكمان مهم تتعلم رسم الخامات وده عبارة عن وضع تأثيرات مختلفة على قطعة الملابس سواء بطريقة الرسم أو التلوين علشان تقدر تبين الفرق بين خامة والثانية.
أولا: طريقة رسم الجسم للمبتدين في عالم الأزياء:
في أكثر من طريقة مشهورة لرسم المانيكان أو جسم الإنسان بالقلم الرصاص ونشرحها كالتالي:
الأدوات إللي هتحتاجها:
- ورق رسم سميك
- قلم رصاص (سمك رفيع H)
- مسطرة وممحاه
- ألوان
- قلم تحديد
الطريقة الأولي:
ابدأ برسم خط مستقيم في نص ورقة رسم، ثم رسم تسع خطوط عرضية متوازية بحيث يكون الفرق بين كل خطين مسافة ٣ سم. المسافة بين كل خطين بتشكل منطقة معينة من الجسم (زي الصورة) بداية من أول جزء وهو الرأس. ثم الجذع والكتف، ثم الصدر والخصر وبعدين منطقة الحوض ثم الأرداف، ثم الركبة، ثم الساق ثم القدم. بعدها هندخل على رسم أعضاء جسم حول خط النص بمسافات متساوية على الناحيتين، بداية من رسم الرأس إللي عادة بتأخذ شكل دائرة بيضاوية بين أول خطين في ورقة الرسم، وبعدين منها ترسم الرقبة والأكتاف، ثم الخصر والأرداف وبعدين الساق والقدم. بهد الانتهاء، حدد الرسم بقلم التحديد لطباعتها.
الطريقة الثانية: التسع رؤوس
وهي شبه الطريقة الأولي لكنها تختصر الوقت، فبدلا من رسم تسع خطوط عرضية، بنرسم تسع رؤوس بيضاوية الشكل بطول الورقة وبناء الجسم عليها (ارجع للصورة). تقدر تعرف تفاصيل أكثر عن الطريقة دي في كورس رسم الأزياء مع دينا شعبان على منصة فنون.
ملحوظة:
مش دايما بتقي محتاج ترسم المانيكان أو جسم في كل مرة عاوز فيها ترسم قطع ملابس. ممكن ترسمها مرة واحدة وتطبع نسخ كثيرة منها وتستخدامها فيما بعد لرسم الازياء وقطع الملابس عليها اختصارا للوقت. ومع الوقت هتقدر ترسم الأزياء من غير مساعدة الكروكي (نموذج الجسم) إللي اتكلمنا عنه فوق. مهم برضه أنك تتعلم رسم المانيكان أو عارضة الأزياء مع إعطائها حركات مختلفة عشان تبان كأنها بتتحرك زي في صور مجلات الموضة والأزياء.
ثانيا: طريقة رسم الملابس في رسم أزياء
قبل رسم أزياء، مهم تعرف الفرق بين أنواع الأزياء المختلفة وتحديد الإتجاه إللي هتختاره عند رسم تصاميمك وأنواعها كالتالي:
- الملابس الجاهزة، وتعتبر عادة الملابس اليومية الأساسية.
- الأزياء الراقية، وهي نوع الأزياء الفاخرة كفساتين السهرة والهوت كوتور.
- الأزياء الاستعراضية، وهي إللي بيتم تصميمها لاستخدامها في العروض والمسرحيات.
بعد تحديد نوع الأزياء إللي هترسمها، تيجي الخطوة الثانية، وهي اختيار عناصر التصميم وإللي بتضم:
نوع التصميم (هل هو بلوزة، تنورة، فستان.. إلخ) – القصات (هل هتكون البلوزة فضفاضة، ضيقة، طويلة، قصيرة، لها ياقات عريضة أو لأ .. إلخ) - خامة التصميم (قطن، كتان، شيفون) - الزخارف والتطريزات (هل هيتضمن التصميم أي منها) وأخيرا اختيار الألوان. ولو ناوي احتراف مهنة تصميم الأزياء، فمهم الاستقرار على العناصر دي قبل تصميم مجموعة كاملة من الملابس وده إللي خبراء الأزياء بيسموه "موضوع المجموعة" أو الـ Theme، لتحقيق الترابط بين قطع المجموعة.
رسم أزياء خطوة بخطوة للمبتدئين:
تبدأ عملية رسم أزياء بالبحث عن مصادر إلهام مختلفة للتصاميم سواء بمتابعة عروض الأزياء الموسمية أو متابعة مجلات الموضة، مهم جداً برضه زيارة محلات الأقمشة ومعرفة الفرق بين الخامات على الطبيعة، كل ده هيساعدك مع الوقت على تحويل التصميم من مجرد فكرة في دماغك إلى صورة مفهومة على الورق. ولمعرفة طريقة رسم الأزياء خطوة بخطوة، تقدر دلوقتي تنضم إلى
كورس تعلم رسم الأزياء للمبتدئين
أونلاين وإللي بتقدمه لك مصممة الأزياء دينا شعبان على منصتنا
فنون.
هتتعلم في الكورس أساسيات رسم أزياء ، وتمارين عملية وطرق رسم قطع الملابس الأساسية بالقلم الرصاص والألوان منها الفستان، البلوزة، البليزر والبنطلونات، وإزاي تقرأ قطع ملابس وتحولهم لرسومات. هتلاقي في الكورس معلومات كثير مهمة علشان تعرف ترسم فكرتك بإحترافية وكمان نصائح إتعلمتها خبيرة الموضة ومصممة الأزياء دينا شعبان من خلال سنين خبرتها الطويلة.
اضغط/اضغطي هنا واعرف كل التفاصيل عن كورس رسم الأزياء أونلاين على موقع فنون.
