أسهل طريقة لتعليم الأطفال الرسم
تعليم الأطفال الرسم من الحاجات إللي بتشغل بال كثير من الأمهات والأباء بمجرد دخول أولادهم فترة الحضانة. يبدأ الأطفال في إظهار ميولهم للرسم والتلوين في سن الثلاث والأربع سنوات ودي الفترة إللي لازم استغلالها في تطوير وتنمية مهاراتهم الفنية أو الرياضية لأن بطبيعتهم بيكون عندهم رغبة قوية في الاكتشاف والتجربة، وده بيخليهم مستعدين يأخذوا خطوات متطورة أكثر في سن أكبر. لو طفلك في المرحلة العمرية دي أو أكبر وعايز تنمي مهارة الرسم لديه بأسلوب سهل وبسيط، فإحنا في المقال ده هنقدملك بعض الأفكار والطرق السهلة لتعليم مبادئ رسم للأطفال تقدر تنفذها مع طفلك في أوقات فراغه أو لما تلعب معاه وإللي بالتأكيد هتعمل فرق كبير في تنمية موهبته مع الوقت.
أسهل طريقة لتعليم الأطفال الرسم...
أولاً: ابدأ بتعليمه الأشكال المختلفة لتعليم طفلك الرسم:
الأشكال هي مفتاح لكثير من الرسومات البسيطة كالحيوانات والورود والفواكه والأشخاص، وكبداية لتعلم الرسم، حاول تعلمه إزاي يرسم أشكال سهلة زي المربع، المثلث، المستطيل، الدايرة، والنجمة، إما بمساعدة مسطرة الأشكال المفرغة (الموجودة بالمكتبات) إو يدويا ومش لازم الخطوط تكون مظبوطة جداً. تعويد طفلك على المسك بالقلم الرصاص وتمريره على الورقة خطوة مهمة جدا لتقوية عضلات إيده في سن صغير وتأهيله لتعلم الرسم بسهولة بعد كدة.
ثانياً: ساعده يستخدم الأشكال دي في عمل رسومات لتعليم الأطفال الرسم:
ودلوقتي ندخل على المرحلة إللي بعد كدة وهي إن طفلك يستخدم الأشكال دي في عمل رسومات بسيطة زي بيت، شجرة، حيوان، إنسان.. إلخ وراقب النتيجة. مش مطلوب منه يعمل رسومات مثالية، ولكن الغرض في الفترة دي هو تنمية قدرته على التخيل والاستلهام من الحاجات الموجودة حواليه. كفاية أن تساعده بصور يستلهم منها وتشجعه في عمل رسومات جديدة كل يوم. ممكن برضه تشتري الألعاب والكتب إللي بتعتمد في مضمونها على فكرة الرسم والتلوين، فهي ضرورية لتعريض طفلك لأكبر قدر ممكن من الأشكال والأفكار المختلفة للرسم.
ثالثاً: تجربة الألوان والتلوين في تعليم الاطفال الرسم:
شغف الأطفال بالألوان والتلوين بيكون كبير جداً في السن الصغير، علشان كدة لازم يكون جزء من أنشطته اليومية اختبار الألوان بأنواعها المخصصة للأطفال زي ألوان الشمع والألوان الخشبية، الألوان الفلوماستر، تعلم أسمائها وعلاقة كل لون بألوان الطبيعة، وتدريبه على استخدامها وتلوين الأشكال إللي رسمها مسبقا.
رابعاً: اشترك له في كورس لتعليم الأطفال الرسم أونلاين:
أخيرا، بنرشحلك إنك تشترك لطفلك في كورس لتعليم الرسم للأطفال أونلاين مع مدرب محترف يقدر يساعده على تعلم مبادئ الرسم بطرق مبسطة وسهلة ويقدر يدخل مراحل أكثر احترافية في الرسم بعد كدة، وإحنا اطلقنا كورس الرسم للأطفال مع مايا الجويلي على موقعنا وفيه بيتعلموا رسم الحيوانات، زرع والأشجار ومناظر طبيعية، أشخاص ولوحات بطرق مبتكرة وبتساعد على تنمية حث الإبتكار لأطفالك. الرسومات في الكورس بتكون بالرصاص وكمان ألوان خشب وألوان شمع.
