نصائح وأفكار لتصوير منتجات بالموبايل بطريقة إحترافية

تصوير منتجات وعرضها موجود حولينا في كل مكان بنروحه، مثلًا الإعلانات في الشوارع والإعلانات المطبوعة إللي بتتوزع علينا في أماكن كثيرة وطبعًا المواقع الإلكترونية ومواقع التواصل الإجتماعي. تصوير المنتجات يعتبر من العوامل الأساسية لتسويقها وتحقيق مبيعات فهى بتساعد على الوصول إلى الجمهور المستهدف ومن المهم جدًا تصوير المنتج يكون بطريقة جذابة واحترافية وبفكرة جديدة خارج الصندوق لجذب، علشان كدة قررنا نشارك معاكم نصائح تعلمكم تصوير منتجات بالموبايل بطريقة إحترافية للحصول على صور بروفيشنال تجذب العميل:

١- اختيار خلفية مناسبة مثل خلفية بيضاء أو عمل صندوق من القماش المقوى باللون الأبيض علشان تتحكم في الإضاءة وتضمن ظهور كل تفاصيل المنتج عند تصويره.

٢- اهتم بالإضاءة فهى أهم عنصر عند تصوير منتجات بالموبايل ويفضل استخدام الإضاءة الطبيعية فهى أفضل شئ للتصوير لو إضاءة الستوديو غير متاحة.

٣- لو عندك منتجات بتعملها فيديو وعليها فويس أوفر أو تعليق صوتي فاستخدام ميكروفون يسهل تعديل حساسيته هيكون مهم علشان يساعدك على عزل الأصوات المحيطة بيك أو الخارجية وده بيساعد إن الصوت يكون واضح وبيترك انطباع جيد لدى العملاء عند مشاهدة الفيديو.

٤- من المهم جدًا إن الموبايل يكون في مكان ثابت عند التصوير وممكن تستخدم مثبت الكاميرا (Tripod) ويكون مكانه أمام المنتج مباشرة وكمان لازم تختار زاوية تصوير مناسبة تظهر المنتج وتفاصيله بطريقة جذابة.

٥- صور المنتج صور كثيرة ومن زوايا مختلفة متكتفيش بصورة أو أثنين، وكمان يفضل في تصوير المنتجات إنك دائماً تصور عدد أكبر من الصور علشان يكون عندك فرصة تختار بين صور كثيرة وتعمل تعديلات فيها وتوصل في النهاية لصور مختلفة وجذابة.

٦- احرص على تنظيف عدسة الكاميرا الموبايل وأدوات التصوير كلها المستخدمة جيداً قبل التصوير للتخلص من أي غبار أو بصمة إصبع أو أي حاجة ممكن تسبب عتمة أو تشوش في تصوير المنتجات.

٧- أتأكد من إن المنتج نظيف ولا يحتوي على غبار أو بصمات واضحة حتى لا تظهر عيوب في التصوير يبقى من الصعب تعديلها بعد الإنتهاء من تصوير المنتج.

٨- تجنب استخدام خاصية التقريب Zoom لو حابب تقرب من المنتج لإظهار تفاصيل معينة يفضل انك تقرب بالموبايل للحصول على صورة بجودة عالية.

٩- لا تستخدم فلاش الكاميرا لأنه بيسبب مشاكل زي إن الصورة تطلع باهته أو أن الألوان تتغير فمن الأفضل استخدام ضوء طبيعي أو خارجي.

١٠- من الضروري انك تتعرف على إمكانيات موبايلك والخصائص المميزة فيه وكيفية ضبط إعدادات الكاميرا وكمان يفضل انك تضبط إعدادات الموبايل مسبقاً، ومعرفة عيوب الموبايل في التصوير لتفاديها وإيجاد حلول بديلة لها.

وطبعًا في أنواع وأفكار كثيرة ومتنوعة لتصوير المنتجات الدعائية ولكن اختيار الفكرة وطريقة التصوير بتختلف من منتج للثاني. جمعنا لكم طرق مختلفة شائعة تناسب تصوير منتجات كثير وهى:

١- تصوير المنتج لوحده مع خلفية بيضاء أو خلفيات ملونة: ودي من أبسط طرق التصوير وبيستخدمها معظم المصورين لإظهار المنتج بتفاصيله من جميع الزوايا وكمان الهدف منه أنه يكون مركز على شكل المنتج وجودته العالية. ممكن النوع ده يستخدم لتصوير منتجات زي منتجات العناية بالبشرة أو لمواقع التسوق أون لاين لعرضها على الموقع حيث يسمح هذا النوع من تصوير المنتجات للمشتري إنه يتعرف ويشوف المنتج بصورة واضحة قبل تنفيذ عملية الشراء.

www.fustany.com اكتشفي موقع فستاني

٢- إظهار كافة أشكال المنتج: إذا كان المنتج متعدد الألوان أو متعدد الحجم فالنوع ده من تصوير المنتجات بيكون مناسب له جدا حيث يتم عرض جميع الألوان وجميع الأحجام علشان العميل يختار بسهولة.

٣- تصوير مشهد: طريقة التصوير دي بتكون عن طريق عرض المنتج وسط لحظة استمتاع به أو إظهار كيفية الإستفادة منه. زي مثلا لو بنعرض برواز للبيع ممكن نصوره فوق مكتب أو لو مشروب طاقة ممكن نصور شخص رياضي بيلعب وبيشرب للحصول على الطاقة إللي تخليه يكمل التمرين.

٤- تصوير لقطات الماكرو بمعنى تصوير المنتج صور مقربة جدا والنوع ده من التصوير تقدر تستخدمه في تصوير أكل لمطعم زي مثل اتصوير نقطة من الزبدة تذوب ببطء فوق قطعة من الذرة. والنوع ده من الصور بيكون مغري جدا للعميل وبيوقظ حواسه ويشجعه على شراء المنتج.

٥- اللعب بانعكاس الصورة بيغير من كون الصورة تقليدية وبيشد العميل أكثر: يمكنك إنشاء تأثير انعكاس للسطح باستخدام أداة معالجة الصور، أو يمكنك تجربة يدك في صنع السطح المنعكس الخاص بك باستخدام مرآة.

في مجال التسويق الإلكتروني وعرض المحتوى سواء على السوشيال ميديا أو مواقع تجارية، تصوير المنتجات من أهم الأشياء لتحقيق مبيعات ناجحة. بننصحك بالإشتراك في كورس التصوير الإحترافي بالموبايل أون لاين سواء كنت صاحب بيزنس أو صانع محتوى أو تعمل في مجال التسويق الإلكتروني وحابب تتعلم أكثر عن التصوير الإحترافي بالموبايل والفيديو وتكتشف إزاي تصور منتجات بطريقة جذابة وتطلع بأفكار مختلفة. اشتركوا في الكورس على موقعنا مع سماح سمير من مؤسسي صفحة مطبخ سوكة، صفحة عليها أكثر من ٦ مليون متابع واشتغلت سماح في مجال إبتكار وتطوير المحتوى سواء في فيديوهات، صور أو لمواقع التواصل الإجتماعي.