تصميم أزياء: طريقة وخطوات تفصيل كيمونو في رمضان
الكارديجان أو الكيمونو قطعة أساسية في دولاب كل سيدة. ببساطة تقدري تلبسيه فوق أي حاجة عندك، سواء كان قميص، فستان، توب، أي قطعة ملابس موجودة في دولابك، وفي كل مرة هيديكي شكل جديد وأنيق. وفي رمضان، لازم يكون عندك أكثر من كيمونو ، علشان يسهل عليكي إطلالاتك، خصوصًا لو بتدوري على مظهر مختلف مناسب للأجواء الرمضانية. وطبعًا عارفين إنه من الصعب إنك تلاقي في المحلات شكل الكيمونو إللي نفسك فيه، علشان كدة مش هيكون فيه أفضل من إنك تصممي بنفسك الكيمونو الخاص بكي في رمضان . وده إللي هنوريكي إزاي تعمليه في السطور التالية...
تصميم كيمونو في رمضان: مرحلة التجهيز
١- اختيار شكل وطول الكيمونو: علشان تفصلي الكيمونو أو الكارديجان، لازم تعدي على كام مرحلة كدة بسرعة. وطبعًا المرحلة الأولى هي اختيار شكل الكيمونو إللي نفسك فيه. دوري على بنترست أو انستجرام أو أي مكان ممكن يديكي أفكار عن شكل الكيمونو إللي في خيالك، أو إللي أنتي شايفة أنه هيكون مناسب ليكي. بعد ما تلاقي الشكل المناسب وتستقري عليه، احتفظي بالصورة لأنها هتساعدك كثير في المراحل الجاية.
٢- شراء قماش الكيمونو أو الكارديجان: بعد ما استقريتي على الشكل، لازم تقرري أي قماش أنسب بالنسبة لكي. فيه أماكن كتير بتوفر أقمشة متنوعة، تقدري تروحيها، وتختاري من هناك القماش إللي تحبيه وإللي هيلفت نظرك ويديكي الشكل إللي أنتي عايزاه. متنسيش كمان وأنتي بتختاري القماش إنه لازم يكون مناسب للموسم إللي هيتلبس فيه الكيمونو. يعني لو هتلبسيه في الشتاء اختاري قماش ثقيل شوية، أما لو في الصيف يبقى القماش خفيف. وطبعًا عدد أمتار القماش بيتوقف على الطول إللي أنتي عايزاه. فلو مثلًا، هتلبسي الكيمونو في رمضان وعايزاه طويل، يبقى اشتري ٢ متر قماش.
٣- اكسسوارات تصميم الكيمونو: وأنتي بتفصلي الكيمونو أو الكارديجان هتحتاجي لحاجات تزينه وتديله شكل مختلف. زي الكمرة ودي هتلاقيها عند أي محل بيبيع أدوات الخياطة وممكن تخيطها عند الكمام مثلاً.
أدوات تصميم وتفصيل الكارديجان
في تصميم الأزياء فيه أدوات معينة لازم تكون متوفرة عندك. فمثلًا، لو هتصممي كيمونو، فلازم يكون متوفر عندك متر للقياس، إبر، دبابيس، مقص قماش، ماكينة خياطة، خيط بلون مناسب، مسطرة طويلة، ماركة الحاجات دي لو متوفرة عندك هتسهل عليكي كثير في عالم تصميم الأزياء. طبعاً ممكن تستخدمي إبرة فقط للخياطة لو معندكيش ماكينة خياطة بس لازم الغرز تكون ضيقة وهتأخذ بالتأكيد وقت أطول.
تصميم أزياء: خطوات تفصيل الكيمونو
تصميم الأزياء مش صعب زي ما أنتي فاكرة وخصوصًا لو بتفكري تفصلي كيمونو، لأنه بيعتبر من أسهل القطع على الإطلاق وإللي مش بتحتاج وقت طويل أبدًا في تنفيذها، بل بالعكس ممكن تصممي كيمونو في يوم واحد بس. الموضوع بس بيحتاج منك تحضير كويس للحاجات إللي اتكلمنا فيها فوق، وإنك تكوني مقررة ومحددة كل حاجة. أما وقت التنفيذ، فكل إللي عليكي إنك تطبقي الخطوات الموجودة في كورس تصميم الأزياء مع آمنة الشندويلي الموجود على موقعنا فنون.
أفكار متنوعة لتنسيق الكيمونو في ملابسك
لو لسة مترددة حول فكرة تصميم الكيمونو، فهنا مجموعة من الصور إللي هتوريكي إزاي ممكن تلبسي الكيمونو أو الكارديجان مع أي قطعة ملابس عندك، وهتعرفك مدى أهمية إنه يكون في دولابك أكثر من كيمونو.
كورس تصميم الأزياء والخياطة أون لاين على فنون
وأخيراً، كورس تصميم الأزياء مع آمنة الشندويلي تقدري تبدئيه على طول وبالسرعة المناسبة لكي، وهتتعلمي تصميم وخياطة ٣ قطع ملابس متميزة في ساعات قليلة وهي:
١. جونلة منفوشة
٢. كيمونو بوهيمي
٣. فستان وعباية (بيتلبسوا بأربع طرق مختلفة)